თიბისი, 30 წლიანი არსებობის მანძილზე, მრავალი ისეთი პროექტის ავტორი და მხარდამჭერია, რომელიც ახალი თაობის განვითარებას, გაძლიერებასა და მათი განათლების ხელშეწყობას ემსახურება.

ასეთი პროექტების მეშვეობით, ახალგაზრდებსს მიეცათ საშუალება, აღმოეჩინათ საკუთარი შესაძლებლობები და გაეღრმავებინათ ცოდნა სხვდასხვა მიმართულებით.

გაეცანით ახალი თაობის წარმატებულ წარმომადგენლებს, რომლებმაც თიბისის მხარდაჭერით, განათლების მიღება საერთაშორისო, წამყვან სასწავლებლებში გააგრძელეს:

სოფო ჩიქოვანი

სოფომ განათლება, ერთ-ერთ წამყვან, კულინარიულ სკოლაში - “ჰოფმანში” მიიღო, რომელიც ბარსელონაში მდებარეობს. მისი საქმიანობის სფერო კონდიტერიაა და საკუთარ მცირე ბიზნესსაც ფლობს.

"განჯინას საკონდიტრო" სოფოს ყოველდღიურობის განუყოფელი ნაწილია. მისი დილა 06:00 საათზე იწყება და საკონდიტროს სრულყოფილად გახსნისთვის მომზადებას ეთმობა. დღის პირველ ნაწილს სამზარეულოში ატარებს, რათა სტუმრებს გემრიელი ტკბილეულობით გაუმასპინძლდეს. მეორე ნახევარს კი მენეჯმენტის მიმართულებას უთმობს.

საკმაოდ დატვირთული ყოველდღიურობის პატრონი კონდიტერი, მაინც ახერხებს, რომ დრო განათლებას დაუთმოს. სოფო პოლიგლოტია, უკვე 5 ენას ფლობს და ენების შესწავლა მის ჰობად იქცა.

ნიკოლოზ სვანიძე

დაამთავრა კომაროვის სკოლა, ახლა სწავლობს ფინეთში, აალტოს უნივერსიტეტის, გამოთვლითი ინჟინერიის ფაკულტეტზე.

ინჟინერიის შესწავლას დიდი ძალისხმევა და შრომა სჭირდება, ამიტომ ნიკოლოზის სრული დღე სწავლას ეთმობა. ყოველ დილით უნივერსიტეტის გზას მიუყვება. ლექციების შემდეგ კი, საღამომდე, კამპუსშივე, მეცადინეობს.

თავისუფალ დროს მეგობრებთან ერთად გართობას, კომპიუტერზე თამაშს ან ქალაქიდან მოშორებით, სუფთა ჰაერზე გასერინებას უთმობს.

ლერი ხუფენია 

ლერი კოლუმბიის უნივერსიტეტის, პოლიტიკის მეცნიერების მაგისტრია.

მისი საქმიანობის სფერო გეოპოლიტიკური რისკებისა და სტრატეგიის ანალიტიკაა.

ლერის ინტერესები მრავალმხრივია. ჰობის სახით ეცნობა სპორტს, კულტურასა და ხელოვნებას. ცდილობს შეიმეცნოს რელიგია, ტექნოლოგიები და მეცნიერება.

პოლიტიკური კონსულტანტის ყოვლდღიურობა, როგორც თავად გვიხასიათებს, დინამიური, წინაამღდეგობრივი, ცვალებადი და ოპტიმისტურია.

ლერი თვლის, რომ განათლება თითოეული ადამიანის ფუნდამენტალური უფლებაა. ის ეყრდნობა კაცობრიობის ისტორიას, რომელიც ცხადჰყოფს, რომ მთელ რიგ ერებში, განთლება არის გამყოფი ხაზი სიბნელესა და სინათლეს, მონობასა და თავისუფლებას შორის.

დათა ჩალათაშვილი

ესპანეთის კალათბურთის, ერთ-ერთი საუკეთესო, აკადემიის მოსწავლე დათამ

სწავლა საგარეჯოს ნომერ პირველ საჯარო სკოლაში დაიწყო.

საქართველოში 10 კლასის გავლის შემდეგ, მე-11 ამერიკის შეერთებულ შტატებში დაასრულა. ამჟამად ესპანეთში იმყოფება და მისი ცხოვრების უდიდესი ნაწილი კალაბურთს უკავია. შეიძლება ითქვას, რომ მისი ჰობიცა და პროფესიაც ესაა. შესაბამისად, წარმატებულ მომავალში, თავს პროფესიონალ კალათბურთელად ხედავს.

ნინო ჩიხელიძე - პიანისტი

ახალგაზრდა პიანისტი, ნინო ჩიხელიძე, ამჟამად შვედეთში, ლუნდის უნივერსიტეტის, მალმოს მუსიკის აკადემიის, საშემსრულებლო ფაკულტეტზე სწავლობს.

ნინოს დღე, ინსტრუმენტებთან ერთად, დილის 8 საათზე იწყება. ინდივიდუალური გაკვეთილები, რეპეტიციები, სემინარები, რამდენიმე საათიანი მეცადინეობა და კონცერტები მის ყოველდღიურ ციკლს ქმნის. როგორც თვითონ გვიზიარებს, ეს ყველაფერი შეიძლება მოსაწყენად ჟღერდეს, თუმცა როდესაც მუსიკასთან გაქვს შეხება, იმთავითვე ბევრი ფერი ურევია შენს ცხოვრებას.

თიბისისთვის მნიშვნელოვანია, რომ ახალი თაობის წარმომადგენლებს ჰქონდეთ შესაძლებლობა, მაქსიმალურად გამოვლინონ საკუთარი შესაძლებლობები და მიაღწიონ წარმატების მწვერვალებს, როგორც საქართველოში, ისე მის საზღვრებს გარეთ.