ტექნოლოგიური განათლება სულ უფრო მნიშვნელოვანი ხდება, განსაკუთრებით ახალგაზრდა პროფესიონალებისთვის, რომლებიც ცდილობენ ფეხი აუწყონ ინდუსტრიის სწრაფ ცვლილებებს. სწორედ ამ მიზანს ემსახურებოდა თიბისის მიერ ინიცირებული Tech Tune-Up Wednesdays, ოთხშაბათის ვორკშოპების ექსკლუზიური სერია.

აღნიშნული ინიციატივა  "TBC x USAID ტექნოლოგიური განათლებისთვის’’ პროექტის ფარგლებში, თიბისი IT აკადემიის ორგანიზებით განხორციელდა და მასში 400-ზე მეტმა სტუდენტმა მიიღო მონაწილეობა.

რატომ Tech Tune-Up Wednesdays?

ტექნოლოგიური ცოდნა, ინდუსტრიის მოთხოვნების მუდმივი ცვლილება და პროფესიული განვითარების შესაძლებლობებზე წვდომა – ეს ყველაფერი ახალგაზრდებისთვის ერთდროულად შეიძლება გამოწვევად იქცეს.

თიბისის ტექნოლოგიურმა ლიდერებმა, სტუდენტებს არა მხოლოდ თეორიული ცოდნა, არამედ რეალურ სამუშაო გამოცდილებაზე დაფუძნებული პრაქტიკული რჩევებიც გაუზიარეს.

Tech Tune-Up Wednesdays-ის მთავარი ღირებულება იყო სტუდენტების პირდაპირი კავშირი ინდუსტრიის ლიდერებთან, რაც მათ დაეხმარა რეალური გამოწვევების უკეთ გააზრებაში, საჭირო უნარების განვითარებასა და კარიერულ განვითარებაში.

ვორკშოპების თემები და მათი გავლენა

ვორკშოპების სერიამ ოთხი ძირითადი მიმართულება მოიცვა:

Git და GitHub: მოწინავე ტექნიკები და საუკეთესო პრაქტიკები (130+ მონაწილე)

Git და GitHub ნებისმიერი დეველოპერისთვის აუცილებელი ხელსაწყოებია, მაგრამ მათი სრული პოტენციალის გამოყენება ბევრისთვის გამოწვევად რჩება. ამ ვორკშოპის ფარგლებში, სტუდენტებმა ისწავლეს მოწინავე ტექნიკები, რაც დაეხმარებათ კოდის ვერსიების უკეთ მართვაში, გუნდურ მუშაობაში და პროფესიული გამოცდილების გაღრმავებაში.

მონაწილეებმა პრაქტიკულად ნახეს, როგორ უნდა გამოიყენონ ფუნქციები, როგორიცაა Rebase, Cherry-Pick, Pull Requests და CI/CD ინტეგრაცია, რათა თავიანთი კოდის მართვა უფრო ეფექტური და ორგანიზებული გახადონ.

კარიერული წინსვლის გზამკვლევი: პირველი ნაბიჯებიდან დასაქმებამდე (155+ მონაწილე)

ტექნოლოგიური ცოდნა მნიშვნელოვანია, მაგრამ იმის ცოდნაც, როგორ უნდა წარადგინოთ თქვენი უნარები ბაზარზე, კარიერული წარმატებისთვის აუცილებელია.

ვორკშოპის განმავლობაში, TBC-ის IT რეკრუტირების ლიდერმა სტუდენტებს გაუზიარა ღირებული რჩევები, მათ შორის:

როგორ შევქმნათ კონკურენტუნარიანი რეზიუმე?

როგორ გამოვიყენოთ LinkedIn კარიერული განვითარებისათვის?

რას ეძებენ დამსაქმებლები და როგორ უნდა მოვემზადოთ გასაუბრებისთვის?

განსაკუთრებული ინტერესი გამოიწვია ლაივ გასაუბრების სიმულაციამ, სადაც სტუდენტებმა რეალური სამუშაო ინტერვიუს პროცესი გაიარეს და პროფესიონალებისგან პირდაპირი უკუკავშირი მიიღეს.

Agile-ს სამყარო და Atlassian-ის ინსტრუმენტები (80+ მონაწილე)

Agile და Scrum მეთოდოლოგიები თანამედროვე IT კომპანიებისთვის სტანდარტად იქცა, მაგრამ მათ სრული ეფექტურობით გამოყენება ახალი პროფესიონალებისთვის ხშირად რთული გასაგებია.

ამ ვორკშოპის ფარგლებში, სტუდენტებმა შეისწავლეს:

Agile-ის პრინციპები და Scrum-ის სტრუქტურა

როგორ უნდა მართონ ციფრული პროექტები Agile მეთოდოლოგიით

როგორ გამოიყენონ Atlassian-ის ინსტრუმენტები (JIRA, Confluence) ეფექტური გუნდური მუშაობისთვის.

ვორკშოპის შედეგად, სტუდენტებმა მიიღეს გააზრებული მიდგომა მოქნილ მეთოდოლოგიებთან მუშაობის შესახებ, რაც მათ დაეხმარება პროფესიული გზის დასაწყისშივე რეალური სამუშაო გარემოს გააზრებაში.

The Software Engineer’s Guidebook (100+ მონაწილე)

"ვორქშოფი შეეხებოდა „The Software Engineer’s Guidebook“ წიგნში მოცემულ ძირითად პრინციპებს და მათ პრაქტიკაში გამოყენებას. ვიმსჯელეთ, რა ქმნის ძლიერ პროგრამულ ინჟინერს, როგორ მივიღოთ გრძელვადიანი ტექნიკური გადაწყვეტილებები, და რატომ არის პროდუქტზე ორიენტირებული ინჟინერია მნიშვნელოვანი.

ვორქშოფის მიზანი იყო პროფესიული ზრდის ხელშეწყობა და პროგრამული ინჟინერიის ფართო ასპექტების გააზრება ყოველდღიურ სამუშაო პროცესში." - შოთა იორამაშვილი - Web and Mobile Development Chapter Area Lead

შეგვიძლია ვთქვათ, რომ Tech Tune-Up Wednesdays იყო სტუდენტებისა და ინდუსტრიის პროფესიონალების დაკავშირების პლატფორმა.

სტუდენტებს პირდაპირი წვდომა ჰქონდათ გამოცდილი სპეციალისტების რჩევებზე, შეეძლოთ თავიანთი კარიერული კითხვების დასმა და ტექნოლოგიური თემების ღრმად შესწავლა.

თიბისის ტექნოლოგიური განათლების სტრატეგია და სამომავლო გეგმები

თიბისი აგრძელებს ახალგაზრდა ტექნოლოგიური ტალანტების მხარდაჭერას და მსგავსი ინიციატივების მეშვეობით განაგრძობს ტექნოლოგიური განათლების განვითარებას ქვეყანაში.

თიბისის მიზანია, შექმნას ცოდნისა და გამოცდილების გაზიარების ძლიერი ეკოსისტემა, რომელიც სტუდენტებს დაეხმარება სამუშაო ბაზარზე მაქსიმალური კონკურენტუნარიანობის მიღწევაში.

თუ ტექნოლოგიური განათლება თქვენი მომავალია, თიბისის შემდეგი ინიციატივები არ უნდა გამოგრჩეთ!