თიბისიში უკვე დიდი ხანია შევთანხმდით, რომ ჩვენი მისია ადამიანების ცხოვრების გამარტივებაა, ამ მიზნისთვის კი აუცილებელია მომხმარებლისთვის საუკეთესო გამოცდილების შექმნა.

თიბისის გამოცდილების მთავარ იდეას უწყვეტი ციკლი წარმოადგენს, რომელიც მომხმარებლის აზრის მოსმენით იწყება. შემდეგ ამ უკუკავშირის მიხედვით იქმნება ახალი პროდუქტი თუ სერვისი, ან უმჯობესდება არსებული. შემდეგ კი კვლავ ვუსმენთ შეფასებას და  ასე დაუსრულებლად. ამ ჯაჭვის მეშვეობით მომხმარებელი ხდება თიბისის ბრენდის თანაშემოქმედი.

სწორედ ამ ციკლის უკეთ ასამუშავებლად, თიბისის ორგანიზაციულ სტრუქტურაშიც შევიტანეთ ცვლილებები. ერთ-ერთი ასეთი ნაბიჯი ეჯაილში ახალი როლის CX (მომხმარებლის გამოცდილების) პარტნიორების გაჩენაა. ეს ადამიანები პასუხისმგებლები არიან, თითოეულ გუნდში ყველაზე ხმამაღლა გააჟღერონ მომხმარებლის ხმა და უზრუნველყონ, რომ მთავარი კითხვა, რასაც ახალი პროდუქტის შექმნისას დავუსვამთ ჩვენს თავს, იყოს: „როგორ უმარტივებს ის ჩვენს მომხმარებელს ცხოვრებას“. 

ისინი სხვადასხვა არხიდან აგროვებენ უკუკავშირს, თხოვნებს, მოთხოვნებს და მათი სწრაფად შესრულების სადარაჯოზე დგანან.

ამ ბლოგში გვინდა, გაგაცნოთ ის ადამიანები, რომლებიც თიბისის გამოცდილების გაუმჯობესებაზე ზრუნავენ.

ნინო სოხაძე:

"CX პარტნიორი ყველაზე ემპათიური, მომხმარებელზე ორიენტირებული და ინტუიტიური როლია ამ მისიაში. ჩვენი ფუნქცია ადამიანების თვალით დანახული, აღქმული და წარმოდგენილი პროცესების გააზრებაა. თავს ჩვენი მომხმარებლის ადგილას წარმოვიდგენთ და პროდუქტებსაც და პროცესებსაც მათი გადმოსახედიდან ვაფასებთ.“

ქეთი ჯაჯანაშვილი:

„თიბისის გამოცდილება არის ყველა რეაქციის, ემოციის და ასოციაციის ერთობლიობა, რომელსაც მომხმარებელი ბრენდთან ნებისმიერი ინტერაქციის დროს განიცდის. ეს შეიძლება იყოს, კონტაქტ ცენტრში ზარით დაწყებული, ჩვენი ინსტაგრამ გვერდის “სქროლვით” დამთავრებული – ნებისმიერი გამოცდილება. უკვე დიდი ხანია, ბრენდინგი ერთი გუნდის ფარგლებში არ არის ჩაკეტილი და მხოლოდ მარკეტინგული კომუნიკაციის თემას არ განეკუთვნება. არამედ, კომპანიის ყველა რგოლს ეხება.

ცხოვრების გამარტივება ჩემთვის ნიშნავს, შევთავაზო ადამიანებს მათზე მორგებული პროდუქტები ზუსტად იმ დროს, როცა მათ ეს მართლა სჭირდებათ და ისე, რომ ეს პროცესი მარტივი და მოქნილი იყოს - მინიმალური ძალისხმევა დასჭირდეთ ამ სერვისით სარგებლობისას.“

რევაზ ყუფარაძე:

„ჩემი ამოცანაა, დავეხმარო თიბისის გუნდის წევრებს, შეყოვნდნენ, მოუსმინონ მომხმარებლებს, შეამჩნიონ მათი საჭიროება და კიდევ ერთხელ გაიაზრონ, რომ მნიშნველოვანია, რასაც ვქმნით, ყველაფერში აისახოს ადამიანების ხმა და სურვილი. ამ პროცესში მომხმარებელი არ არის მხოლოდ მომსახურების მიმღები პირი, ის არის ძალა, რომელიც გვეხმარება, გავუმჯობესდეთ და განვავითაროთ გარემო, რომელშიც ჩვენ ვცხოვრობთ.“

ლანა კომლაძე:

„ეს არის პროცესი, რომელშიც მოთხოვნის გაჩენიდან შედეგის მიღწევამდე გრძნობ მუდმივ მხარდაჭერას. ჩემთვის თიბისი ასოცირდება ზრუნვასთან, მოძრაობასთან და უკეთესობისკენ სწრაფვასთან. აქ ვხვდებით მიზანდასახული ადამიანების მიერ შექმნილ სამყაროში, სადაც არ არსებობს სიტყვა „შეუძლებელი“ მომხმარებლის ბედნიერებაზე ზრუნვისას. თიბისი ქმნის იმ გამოცდილებას, რომელიც სულ გინდა გაიმეორო - თუნდაც იმისთვის, რომ ყოველ ჯერზე აღმოაჩინო ცვლილება, რომელიც შენი უკეთესი მომსახურებისთვის დაინერგა.“

ნინო პირადაშვილი:

„ჩვენ ამ მოგზაურობაში ვართ ერთად: მომხმარებლები და თიბისის თანამშრომლები. არ არის შემთხვევითი, რომ სწორედ ჩვენთან გაჩნდა ასეთი როლის შექმნის იდეა. ეს თიბისის სტრატეგიის ერთ-ერთი გამოხატულებაა, რომელსაც ორგანიზაციული სტრუქტურით, თუ კულტურით მივყავართ კიდევ უფრო მეტად customer-centric (მომხმარებელზე ორიენტირებულ) მიდგომებამდე.“