ივლისი 18, 2024
![](https://api.helloblog.ge/uploads/image-1721313577352.png)
ბედნიერების ჰომრონებს დიდი გავლენა აქვს ჩვენს ხასიათზე და ემოციებზე. მათი ბალანსი განაპირობებს მენტალურ ჯანმრთელობას და ემოციურ სტაბილურობას:
სერატონინი - გადამწყვეტ როლს თამაშობს ხასიათის რეგულირებაში, მოქმედებს ძილის ხარისხზე და მადაზე.
დეფიციტი შეიძლება ამოვიცნოთ სიმპტომებით: ხასიათის ცვლილებები, სევდა, შფოთვა, უძილობა.
რჩევები: ვარჯიში, განსაკუთრებით აერობიკა, ცურვა, ფეხით სეირნობა, მზეზე ყოფნა, მადლიერების პრაქტიკა.
საკვები, რომელიც მდიდარია ამინომჟავა ტრიპტოფანით: ქათმის ან, ინდაურის ხორცი, ორაგული, თხილეული, მარცვლეული, გოგრის თესლი, სტაფილო, ბანანი.
დოფამინი - როგორც ჯილდო. დოფამინი ასოცირდება სიამოვნებასთან, მოტივაციასთან, მიზანმიმართულ ქმედებასთან.
დეფიციტი შეიძლება გამოვლინდეს როგორც მოტივაციის ნაკლებობაში, პროკრასტინაციასა (გადაუდებლობის განცდა) და უყურადღებობაში.
რჩევები: ენერგიული მუსიკის მოსმენა, ისეთ აქტივობებში ჩართვა, სადაც რაღაც ახალ სწავლობ, ან პრობლემას წყვეტ: როგრიცაა ფაზლის აწყობა, სამაგიდო თამაშები ან კრეატიული პროექტები. პატარა, მალე მიღწევადი მიზნების დასახვა.
საკვები, რომელიც მდიდარია ამინომჟავა ტიროზინით: ქათამი, ინდაური, ორაგული, არაქისი, ნუში, ავოკადო, ბანანი, გოგრის და სეზამის მარცვალი.
ენდორფინი - ბუნებრივი ტკივილგამაყუჩებელი. ენდოფრინი გვეხმარება სტრესის და ტკივილის შემცირებაში.
დეფიციტმა შეიძლება გამოიწვიოს ტკივილისადმი მგრძნობელობის გაზრდა, სევდა, დეპრესიული განწყობა, უძილობა.
რჩევები: სიცილი, ტირილი, ბუნებაში დროის გატარება, მასაჟი, სირბილი, ცეკვა, ველოსიპედი, აერობიკა.
საკვები: ცხარე, შავი შოკოლადი და ომეგა 3-ით მდიდარი პროდუქტები, ნიგოზი, სელის თესლი.
ოქსიტოცინი - სიყვარულის ჰორმონი. ის გადამწყვეტ როლს თამაშობს სოციალური და ემოციური კავშირების შექმნაში.
დეფიციტი: მარტოობის განცდა, სოციალური კავშირების ჩამოყალიბების სირთულე და სხვების მიმართ ნდობის ნაკლებობა.
რჩევები: საყვარელ ადამიანებთან ხარისხიანი დროის გატარება, ბავშვებთან თამაში, ჩახუტება, ოთხფეხა მეგობართან თამაში, სხვისი დახმარება, მასაჟი.
საკვები, რომელიც მდიდარია მაგნიუმით და ცინკით: შავი შოკოლადი, ფოთლოვანი მწვანილი, თხილეული, სოკო.
თუ გაქვს დეფიციტის ნიშნები, აარჩიე შესაბამისი 1-2 მარტივი რჩევა და ჩართე შენს ყოველდღიურობაში. ძილი და დასვნება არის პრიორიტეტი.
ჰორმონების დონე იცვლება იმის მიხედვით, თუ რა ხდება შენს ცხოვრებაში. ჯანმრთელი ჩვევების დანერგვა დაგეხმარება ბალანსის შენარჩუნებაში.
*ეს რჩევები არ ანაცვლებს მკურნალობას. თუ ზემოთ ჩამოთვლილი დეფიციტის ნიშნები დიდი ხნის განმავლობაში გიგრძელდება და რჩევები შედეგს არ გაძლევს, ან არც გაქვს რჩვების გათვალისწინების ენერგია, გაესაუბრე შესაბამის სპეციალისტს.